Obradoiros, teatro e entrada gratis para celebrar o sétimo aniversario do Verbum

“É un espazo excepcional pero que houbo que encher de contido co paso do tempo” explicou o concelleiro de Cultura de Vigo, Xesús López, ao presentar a celebración do sétimo aniversario do Verbum. Unha celebración que se fará cunha xornada de portas abertas entre o 20 e o 25 de abril, así como actividades como o Congreso de Ponte nas Ondas (23-24), un obradoiro do laboratorio Alg-A e o espectáculo de títeres e música, Os Narigudos. López aproveitou para apuntar que o Plan Director do Verbum está nun estado moi avanzado e que espera que antes de fin de ano estea marcada a nova filosofia do museo.