Os escritores entregan os seus galardóns

A Asociación de Escritores en Lingua Galega celebrou este sábado a Cea das Letras, na que outorgou os seus premios anuais. Os galardóns foron, entre outros, para Manuel Bragado polo seu blog Brétemas. Agustín Fernández Paz resultou vencedor en literatura infantil e xuvenil, e a compilación de cartas de republicanos condenados a morte que realizou Xesús Alonso Montero impúxose na categoría de ensaio. Pola súa banda, Manuel Rivas viu recoñecida a súa traxectoria xornalística, en narrativa o premio foi para Cid Cabido e en teatro o vencedor foi Rubén Ruibal. Luz Pozo Garza en poesía e a tradución de O museo da inocencia completan a lista de galardoados.

PREMIOS AELG 2010

Blog Literario
Brétemas (http://bretemas.blogaliza.org/), de Manuel Bragado

Ensaio
Cartas de republicanos galegos condenados a morte (1936-1948), de Xesús Alonso Montero

Literatura Infanto-xuvenil (AELG-Gálix)
Lúa do Senegal, de Agustín Fernández Paz

Mellor traxectoria xornalística (AELG-Colexio de Xornalistas
Manuel Rivas

Narrativa
Unha historia que non vou contar,de Cid Cabido

Poesía
Deter o día cunha flor, de Luz Pozo Garza

Teatro
Delimvois, de Rubén Ruibal

Tradución
O museo da inocencia, de Orhan Pamuk , en tradución de Bartug Aykam e María Alonso Seisdedos