Un encontro analiza a vertente xurídica do Camiño de Santiago

Unha visión xurídica do Camiño de Santiago é o título do encontro que se desenvolve desde hoxe e ata o vindeiro venres na Escola Galega de Administración Pública, en Compostela. O réxime de protección legal do camiño de Santiago, a protección do mesmo e mais dos peregrinos ao longo da historia, a acción administrativa de fomento desta vía ou mesmo os delictos relacionados coa mesma son algunhas das cuestións que se abordan no encontro. Canda a isto unha ampla mesa redonda analizará as necesidades de desenvolvemento normativo arredor deste ben patrimonial.