Unha exposición achega a BD do país ao Salón de Cómic de Navarra

Os asistentes poderán ver a mostra Miña terra galega

8/4/2010 | Santiago. Redacción | Seccións: banda deseñada

32 lecturas | Compartido 0 veces

Os asistentes ao I Salón de Cómic de Navarra, que abre hoxe as súas portas, terán a ocasión de coñecer o traballo de diferentes autores do noso país. Tal e como estaba anunciado, a Consellaría de Cultura achega a este evento a mostra Miña terra galega, que xa se puido ver no último Saló del Còmic de Barcelona e que está a itinerar por diferentes concellos do noso país. Ademais, o debuxante e editor David Prieto Gochi e o libreiro Juan Carlos Sanmiguel participarán en diversas actividades do salón. Tamén estará presente no evento Laureano Domínguez, en representación da editora vasca Astiberri.