Compostela acollerá o I Congreso Nacional de Artes Gráficas

O sector estatal das Artes Gráficas celebrará en Compostela o seu I Congreso Nacional os vindeiros 10, 11 e 12 de xuño baixo o lema Camiño de futuro. O encontro, que conta xa con 200 inscritos, tratará cuestións como o libro dixital, o futuro dos formatos en papel ou a cooperación entre empresas do ámbito, ademais de desenvolver diferentes actividades turísticas pola cidade. O prazo de inscrición está aberto ata o vindeiro 15 de maio.