Francisco X. Fernández Naval faise co X Premio de Poesía Fiz Vergara Vilariño

O escritor ourensán Francisco X. Fernández Naval gañou este sábado o X Premio de Poesía Fiz Vergara Vilariño, que convoca a Asociación Cultural Ergueitos de Sarria. Un xurado integrado por Olalla Cociña, Cesáreo Sánchez Iglesias, Miguel Anxo Fernán-Vello e con voz e sen voto Xermán Arias e María Casar, outorgou por unanimidade o premio ao poemario presentado baixo o lema Marlow, e que correspondía á obra Bater de sombras de Francisco X. Fernández Naval.