Os diccionarios son actualidade esta semana. Á presentación onte do terceiro volume do "Diccionario da Literatura Galega" engádeselle o simposio sobre lexicografía que comeza hoxe en A Coruña. Neste simposio analizarase a situación dos diccionarios en Galicia.
Lexicografía
O Primeiro Simposio de Lexicografía Galega comeza hoxe en a Coruña coa intención de facer unha análise da elaboración e futuro dos diccionarios na nosa lingua. Nestas xornadas intervirán destacados especialistas como Luis Iglesias Rábade e Isabel González, que explicarán a situación dos diccionarios bilingües inglés-galego e italiano-galego. A primeira xornada do simposio estará dedicada á lexicografía bilingüe.
Diccionario de literatura
A fundación Caixa Galicia presentou onte o terceiro volume do "Diccionario da Literatura Galega", que nesta ocasión está dedicado á obras literarias. A obra recolle comentarios críticos a 249 obras en máis de 500 páxinas. Logo dos volumes sobre autores e publicacións periódicas, está previsto que o diccionario se complete coa publicación da última parte dedicada ás "voces".
