O segundo número da revista estadounidense Volcomics conta por vez primeira cunha colaboración galega. O vigués Alberto Santos, tamén coñecido como Ash ou Kalosú asina unha historia de 4 páxinas titulada This is Ashville. A revista distribúese a nivel mundial e pode lerse íntegra na rede. Tamén en Internet podemos atopar os webs renovados de Alberto Vázquez e de Miguel Porto con mostras do seu traballo, así como historias íntegras que Martín Romero e Alvaro López acaban de publicar nos seus respectivos blogs.
