Co gallo do Día da Muller Traballadora, a concellería de Igualdade do concello de Santiago fallou o Premio Xohana Torres de ensaio (anteriormente denominábase "de investigación"). O xurado tivo que escoller entre cinco traballos. O galardón foi para o ensaio Transféminas ou como deconstruír o corpo co martelo, de Iria Presedo, quen abordou o tema da transexualidade desde o punto de vista da psiquiatría e da "asociación que se fai neste campo aos trastornos da identidade de xénero".
