Twin Peaks inspira a colección dun galego premiada na pasarela Cibeles

Twin Peaks, David Lynch e o universo americano de cheerleaders e camareiras con saias de tablas inspiran a colección gañadora desta edición do Premio L´Oreal, galardón para novos deseñadores que se concede no marco da pasarela Cibeles. E detrás desa proposta naif e con estilo asentado nos anos cincuenta están a catalana Natalia Pérez e o galego Jorge Bolado, o que é o mesmo, American Pérez. Bolado formouse na facultade de belas Artes de Pontevedra e desenvolve o seu traballo creativo en Barcelona.