Unha fundación comarcal promocionará os artistas do Morrazo

EmerxeMorrazo é o nome da fundación que mañá se presenta na Casa da Música de Bueu. O proxecto, que conta co apoio dos concellos de Marín e Bueu, así como da Federación de Comerciantes da comarca e mais a asociación Troula na Banda pretende darlle impulso aos creadores da zona. A iniciativa incidirá especialmente na promoción e no apoio a artistas emerxentes. Ao tempo, preténdese promover o coñecemento fóra da comarca daqueles grupos, festivais e salas existentes na mesma. Na presentación de mañá darase a coñecer polo miúdo o programa de actuación previsto para 2010.