O vindeiro 8 de marzo celébrase o Día Internaciona da Muller. Unha efeméride que a Xunta pretende celebrar baixo o lema Máis igualdade, mellor con iniciativas de diferente natureza. Dunha banda, a secretaría xeral de Igualdade e a consellaría de Cultura asinarán un convenio polo que a Cidade da Cultura contará cunha biblioteca que, baixo o nome de Concepción Arenal de Estudos das Mulleres, compilará todo o material en cuestións de xénero e igualdade que se leva producindo en Galicia nos últimos vinte anos. Da outra, ese mesmo día haberá unha campaña audiovisual, un acto simbólico de solta de globos e iniciarase a xira da compañía Blanca Marsillach que representará a obra Buscando a Hillary.
