A Asociación de Actores homenaxea o seu primeiro presidente co premio Marisa Soto

“Na persoa de Gonzalo Uriarte non só hai un excepcional actor cunha longa traxectoria nas artes escénicas senón que tamén nos permitie simbolizar nel o recoñecemento a todos os profesionais que fixeron posible a fundación da AAAG”. Deste xeito anunciaba Celso Parada a decisión da Asociación de Actores e Actrices de Galicia de concederlle a Gonzalo Uriarte (A Coruña, 1952) o premio de honra Marisa Soto. Este coñecido actor foi o primeiro presidente da entidade que agora o premia e que cumpre neste 2010 as súas vodas de prata. Uriarte recollerá o galardón o vindeiro 24 de marzo na gala dos Premios María Casares, que terá lugar no Teatro Rosalía de Castro na Coruña.