Un xumento, cansado da explotación e dos malos tratos do patrón decide abandonar o lugar no que traballa para buscar unha nova vida. Nese camiño atopa un can, unha galiña e unha gata co que decide montar un grupo de música. Baseada no conto dos irmáns Grimm, Os músicos de bremen, Saltimbanquis é un musical infantil que aposta, como asegura Celso Parada, por reforzar valores como a amizade, o grupo, a capacidade de unir as nosas forzas para saír adiante. O espectáculo nace como un dos proxectos que teatro de Morcego ten como compañía residente de Narón e que agora está de xira por Galicia.
