Quiosco: Búsola 5

Cun novo e modernizado deseño, a Casa de Cultura do Valadouro ten xa na rúa o quinto número da súa publicación Búsola. Nesta xeira, atopamos creación literaria a cargo de Estíbaliz Espinosa e de Bea Lourenzo, ilustracións a cargo de Hector Francesch e Nuria Díaz Berride, e mais un artigo sobre a tecnoloxía na educación secundaria, entre outros contidos. Do mesmo xeito, podemos ler unha BD completa de nove páxinas a cargo de Jerónimo Piñeiro. A publicación está dispoñible íntegra na rede en formato pdf.