Quiosco: Búsola amosa novos valores da creación no seu cuarto número

Búsola, a revista da Casa da Cultura do Concello de Valadouro, presenta o seu cuarto número consolidada como un referente de calidade para a promoción de novos valores no panorama das revistas culturais galegas. Segundo o seu prólogo, Búsola é "unha idea aberta á creación e ao coñecemento, á cultura e á ciencia...novas tendencias, novas formas de expresión e vangardas (...).

A revista, dirixida por Suso Rubio, conta cun ensaio fotográfico sobre as xentes do Valadouro, por Olga Osorio, un relato de Clara Martín, un repaso ás actividades da ONG Implicadas, que realiza Olga Castro, o traballo escultórico de Aurora Santos ou O futuro das masas líquidas, un pequeno ensaio de futuroloxía de Manuel Gago, ou unha escolma de ilustracións de Noemí López. Beatriz Hervella,pola súa banda, explica como se elaboran as predicións metereolóxicas.