Nestes momentos está aberta a convocatoria para mellorar a situación do capital humano que se dedica ao I+D+i en Galicia. E iso implica que as universidades e outros centros de investigación que se dediquen a esta materia conten con 16 millóns de euros que lle permitirán subsittuír as bolsas por contratos. Desta maneira, preténdese eliminar a tan criticada precariedade do persoal que se dedica á investigación e innovación. Segundo a Consellaría de Economía e Industria, responsable da iniciativa, “o programa establece dúas carreiras, a científica e a tecnolóxica, e estrutura cada unha delas en diferentes subprogramas segundo a fase na que se atope o profesional”.
