O Consello da Cultura discutirá no pleno o seu ditame sobre o decreto

O ditame do Consello da Cultura Galega sobre as “Bases para a elaboración do decreto do plurilingüismo no ensino non universitario de Galicia” decidirase o vindeiro luns. Será nesa data cando a institución celebre un pleno no que se presente, debate e aprobe un borrador elaborado por unha comisión coordinada por Henrique Monteagudo e integrada por Rosario Álvarez Blanco, Víctor Fernández Freixanes, José Antonio García Caridad, Ramón Máiz Suárez, Helena Villar Janeiro, como membros do CCG, e Felipe Ferreiro Feijoo e Bieito Silva Valdivia como asesores. O ditame será remitido á Consellaría de Educación ese mesmo día e dado a coñecer o vindeiro martes nunha rolda de prensa (12:00 horas).