A Barrié achégase á fotografía e á arquitectura da man de Català-Roca e Chipperfield

Anchorage Museum at Rasmuson Center (Anchorage, Alaska, USA), deseñado por David Chipperfield

Son dúas figuras relevantes da fotografía e da arquitectura e o seu legado aterrará en Galicia da man da Fundación Barrié. David Chipperfield (Londres, 1953) é un dos arquitectos máis recoñecidos do momento por un traballo respectuoso co medio tanto na forma como no uso de materiais. A barrié ofrecerá na coruña (25 de febreiro-30 de maio) unha exposición que recupera a súa traxectoria. Canda esta, a sede viguesa da institución acollerá Català-Roca. Obras maestras, unha obra que fai unha revisión da obra deste autor fundamental da fotografía española e un dos grandes renovadores da década dos cincuenta. 150 obras en branco e negro, unha ampla programación didáctica e paralela, un vídeo documental e un catálogo completan esta mostra que se poderá ver entre o 4 de marzo e o 30 de maio.