Portada do boletín e_scena, número 41
O Centro Dramático Galego (CDG) estrea este venres a temporada 2010 con As actas escuras, de Roberto Vidal Bolaño, baixo a dirección escénica de Xúlio Lago. A nova produción do CDG abre o número 41 do boletín información de Agadic que tamén dá conta da nova montaxe do Centro Coreográfico Galego (que será para xuño e está relacionado co Camiño de Santiago) e das novidades do Plan Galego das Artes Escénicas. Ademais, o boletín tamén dá conta do rexistro actualizado de cifras dos teatros e auditorios do país.
