Quiosco: e_scena

O Centro Dramático Galego quere promover o circo. O exemplo máis evidente pasa polo ciclo Circo en Escena que se desenvolve estes días no Salón Teatro de Santiago. Pero é só unha mostra dun proxecto máis ambicioso do que da conta o número 32 do boletín de información escénica de AGADIC, o e_scena. A integración do CDG na rede europea Jeunes Talents du Cirque Europe abre unha publicación que tamén achega as últimas novidades do Centro Coreográfico Galego; así como as convocatorias, prazos, premios, certames e as cifras da escena no país.