Chega a librarías e centros de ensino o recompilatorio de Galimatías

Os vinte primeiros números da revista Galimatías, que edita El Patito Editorial no marco do programa Bocaberta de Política Lingüística, acaban de saír á luz nun volume recompilatorio. A obra, 320 páxinas pode atoparse xa en librarías de todo o país a un prezo de oito euros. Nas vindeiras semanas a Consellaría de Educación prevé distribuír a obra nos centros de ensino galegos. De xeito paralelo, a revista continúa a súa distribución quincenal co xornal El Correo Gallego.