Preséntase a primeira BD de Miguelanxo Prado para iPhone

Unha versión de Quotidiania Delirante, de Miguelanxo Prado con animacións, sons e efectos multimedia é a primeira obra de BD galega adaptada para iPhone. O edificio Emprendia da Universidade de Santiago de Compostela acollía esta mañá a presentación da obra, que se poderá adquirir en máis de setenta países mediante a Apple Store e que tamén está dispoñible para iPod Touch. O proxecto estrea o formato IMotion Comic, creado polas produtoras galegas Continental Games e Costa Oeste.