No iPhone de Apple poderanse ler bandas deseñadas galegas. O director de Continental, Pancho Casal, acaba de confirmar que a compañía está a desenvolver unha aplicación que permitirá ter acceso no terminal a unha escolma de bandas deseñadas feitas por Miguelanxo Prado. Será un cómic animado no que os globos de texto aparezan por fundido, con música e con efectos de sons co obxectivo de facer máis doada a súa lectura, matizaba o director de Continental. O proxecto chámase Comic dixital para IPhone - Quotidianias de Miguelanxo Prado e adapta para o coñecido teléfono, a serie (Quotidania delirante) que Prado realizou durante varios anos para o magazine El Jueves.
