Capa de Centoloman
Comezou sendo un debuxo nunha camiseta. Agora, o popular Centoloman é xa un superheroe en toda regra. A súa casa nai, a marca de roupa e factoría de desenño Rei Zentolo, acaba de aterrar na edición de BD cun volume que presenta as aventuras deste personaxe. O debuxante Jano é o responsable de ilustrar os guións de Rodrigo Cota nun volume de 28 páxinas a branco e negro e capas a cor que se pode adquirir por 2,50 euros. Os responsables de Rei Zentolo anuncian a continuidade da iniciativa en vindeiras entregas, e aproveitan para adiantar a posta en marcha dunha liña editorial propia que busca unir artes plásticas e literatura.
