Factoría Compostela abre ao público cunha aposta de artistas de renome internacional

Giselle Beiguelman, Joan Fontcuberta, Lino Lago, Glenda León, Enrique Marty, Gisela Motta & Leandro Lima e David Trujillo comparten o denominador común de ser artistas de recoñecido prestixio a nivel internacional. E tamén son a carta de presentación ao público de Factoría Compostela, una estrutura de “experimentación e creación contemporánea” que abre hoxe as súas portas en Compostela (Rúa da Conga 9). Un edificio de 1.250 metros encravado no centro histórico de Santiago que acollerá exposicións, obradoiros e residencias artísticas. Un proxecto que naceu do traballo da Galería C5 e que manteñen Concha Fontenla e Antonio Cervera.