Accións de difusión das colección de cómic nas bibliotecas galegas, así como a organización das actividades ao redor do cómic no noso país. Estas son algunhas das liñas de traballo da Dirección Xeral de Promoción e Difusión da Cultura para o 2010 no ámbito da banda deseñada tal e como presentaron hoxe en Ourense o director xeral, Francisco Lopez Rodríguez, e o conselleiro de Cultura, Roberto Varela. Para o desenvolvemento do cómic, este departamento destinará o vindeiro ano unha partida de 600.000 euros. Entre as liñas de traballo figura o mantemento das bolsas de banda deseñada e unha liña de axudas para o estudo, investigación e promoción dos autores galegos.
