A Fundación Rogelio Groba celebrará polas vilas galegas o 80 aniversario do compositor

No 2010 Rogelio Groba, un dos compositores galegos máis destacados, cumprirá oitenta anos. Unha efeméride que a fundación que leva o seu nome quere celebrar cun ciclo de concertos polas vilas galegas. Un proxecto que contará co apoio da consellaría de Cultura que achegará 90.000 euros . Ademais, nese mesmo ano a Fundación Cidade da Cultura achegará 30.000 euros para continuar co plan de dixitalización do legado deste compositor e que pasarán a disposición da Biblioteca de Galicia.