Cinco concertos e un posto achegarán a música galega a Buenos Aires

Cinco empresas e dous colectivos do sector discográfico galego particirán na prestixiosa feira BAFIM de Buenos Aires entre os días 19 e 22 de novembro. A delegación galega coordinouse co apoio da Axencia Galega das Industrias Culturais e baixo a marca GalicianTunes. Canda á vertente empresarial, desenvolveranse concertos de Carlos Núñez, Xoel López, Vetusta Morla, Aló Irmao e Uxía en diferentes salas de Buenos Aires nun ciclo denominado La música de los gallegos. A coincidir coa presentación do evento, o Conselleiro de Cultura, Roberto Varela, anunciou que AGADIC desenvolverá liñas de axuda para a mellora dos equipos de gravacións e mais a produción de grandes obras discográficas. Ademais as empresas contarán con apoios da axencia de cara á súa promoción internacional e poderán participar nun programa de intercambios con Cataluña, Portugal, Brasil e Centroeuropa.