O Salón do Anticuario volta á Coruña logo de tres anos

Trece destacados profesionais galegos daranse cita entre o 11 e o 15 de novembro no XVIII Salón do Anticuario Cidade da Coruña. O evento, que se celebra por primeira vez en tres anos, está considerado como a principal cita do sector no país. Os asistentes terán a ocasión de se facer con pinturas e esculturas de autores galegos coma Genaro Pérez Villamil, Sotomayor, Leiro ou Failde entre outros. Canda a isto, abondarán as pezas de mobiliario, as porcelanas ou as tallas relixiosas.