Vista do plató de Eirado, o magazine cultural da G-2
A segunda canle da Televisión de Galicia, a G2, estrea Eirado, un magazine que pretende dar conta da realidade cultural galega. O espazo emitirase todos os sábados (22:30 horas) e conta coa colaboración de María Duro, que falará de novas tendencias; de Moncho Lemos, que se ocupará do cine e das novas tecnoloxías; e de Paula Señarís, que comentará as novidades editoriais. Ademais de reportaxes e entrevistas, o programa presentado por Pemón Bouzas contará cada semana cunha actuación musical.
