O artigo Borobó contra Wallace Souza valeulle a Xavier Lema a Pruma de Ouro do I Premio Raimundo García Borobó de xornalismo de opinión. O xurado valorou a comparanza que Lema establece entre o xornalismo da época de Borobó e mais o actual. No mesmo certame, Francisco Castro fíxose coa pruma de prata por Borobó despedido e Mercedes Gualteria coa de bronce por Carta do alén. O certame foi organizado pola Asociación de Periodistas de Santiago e mais a Secretaría Xeral de Medios.
