Â… e o primeiro videoclip da narrativa galega

Hoxe remata na Casa das Crechas o espectáculo do xornalista Camilo Franco e o músico Magín Blanco inspirado no libro do primeiro, Palabras Contadas. Relatos, cancións e improvisacións diferentes para unha proposta nova que este dúo conclúe hoxe. Será cun especial sobre Por conto Alleo, o primeiro experimento de literatura colaborativa na rede en Galicia que desenvolveron a través de Vieiros (no que o público enviaba palabras coas que Franco elaboraba un relato) e que cumpre este ano o seu décimo aniversario. Ademais, no marco desta iniciativa Camilo Franco e Antón Reixa presentaron Amor e fluídos, o primeiro videoclip da narrativa galega que fixeron a partir do libro homónimo do xornalista.