Dúas caras da mesma moeda

Brian Friel, o coñecido autor irlandés, parte da dramaturxia de Chéjov para escribir as pezas O xogo de Yalta e Afterplay. Dous textos que Teatro do Atlántico intercala no seu último espectáculo (que toma o título das dúas pezas) e que falan, segundo apunta o seu director Xúlio Lago, “do amor, das súas dependencias e das súas consecuencias”. Se na primeira historia se recrea o amor adúltero cunhas consecuencias imprevisibles, no segundo recrea o amor desde a perspectiva do fracaso, o desencanto e a dependencia do amor.