O Consorcio de Santiago contará con menos fondos en 2010

A entidade responsable de velar polo Patrimonio da Humanidade de Compostela, o Consorcio de Santiago, verá reducidos os seus fondos en dous millóns de euros para 2010. En total, o orzamento para ese ano será de 15,5 millóns de euros, o que supón unha grande diferenza cos 37,5 millóns que xestionou no anterior Ano Xacobeo. Mentres o Goberno Central mantivo a súa achega económica, a Xunta de Galicia acordou reducir a súa participación. Ademais, o Consorcio viña desenvolvendo un importante papel na organización de actividades nos diferentes anos santos.