Cartel das VII Xornadas Castrexas
Os vindeiros 24 e 25 de outubro, o Concello de Cambre celebrará a sétima edición das súas Xornadas Castrexas. No programa inclúense conferencias sobre os banquetes castrexos, a Idade do Ferro no Barbanza ou o castro do Achadizo, ademais de excursións e visitas escolares a restos deste tipo. O tenente de alcalde, Xabier Iglesias, sinalou que é intención do Concello rehabilitar os restos de Castromaior e continuar as investigacións sobre esta época, malia a que recoñeceu que polo momento non dispoñen de fondos para abordar estes proxectos.
