Castrolandín inicia a súa temporada de visitas escolares ao tempo que a Xunta se fai cargo dos restos de Marqués de Valadares, en Vigo

Nos vindeiros quince días máis de 840 alumnos de centros de ensino da Coruña e de Pontevedra visitarán o depósito arqueolóxico de Castrolandín, en Cuntis. Estas visitas escolares contarán con guías que explicarán polo miúdo as características do lugar e o xeito de vida dos castrexos. Mentres, a Consellaría de Cultura anunciou que asumirá os custos da musealización dos restos romanos que apareceron na rúa Marqués de Valadares, en Vigo. O custo do proxecto está estimado nun millón de euros e ten un prazo de execución previsto de catro anos. Unha vez rematadas, será o Concello quen se encargue de xestionar as futuras instalacións.

Máis información sobre Castrolandín en La Voz de Galicia; máis sobre os restos romanos en Faro de Vigo; máis nos nosos arquivos sobre Castrolandín ; sobre os restos romanos