Librarías e festivais de BD en Roma, Latina e Pisa acollerán as sinaturas e presentacións de David Rubín en Italia entre os días 6 e 11 de outubro. O ourensán achégase ao país da man da editorial Tunué para dar a coñecer versión italiana da súa obra La tetería del Oso Malayo. O autor foi tamén noticia estes días polo debate que protagonizou, canda a Miguelanxo Prado, nas páxinas de La Voz de Galicia encol da situación actual da BD.
