Cento noventa pezas amosan en Pontevedra e en Ourense a evolución artística de Man Ray, un dos vangardistas máis importantes do século XX. Da man de Caixanova, cadros, esculturas e fotografías repasan a traxectoria deste creador americano no que é a maior exposición dedicada á súa figura que ten visitado Galicia. A mostra pode verse ata o vindeiro 25 de outubro no Centro Social Caixanova de cada unha destas cidades.
