Dunha banda, un actor de teatro facendo trucos de maxia, xogos, son e diferentes actividades; da outra, un científico narrando unha historia con carácter científico. E no medio, a viaxe que Charles Darwin fixo de pequeno arredor do mundo subido nun barco. Esta é a estrutura do Discurshow, un novo formato de divulgación científica que está de xira por toda Galicia. “Unha charla dinámica e atractiva na que contar a aventura científica” explica Xurxo Mariño, creador e promotor desta iniciativa. O formato comeza narrando as anécdotas que lle aconteceron a Darwin pero no futuro contará outras aventuras nas que a ciencia é a protagonista.
