Cartel de Atra Bile, montaxe de Teatro de Ningures
Catro mulleres (tres irmáns e a súa criada) velan nunha noite de tormenta o cadáver do home dunha delas. É neses momentos de tensión cando saen á luz un montón de segredos e sentimentos narrados a forma de comedia. “Personaxes esperpénticos que viven un drama tremendo que pode ter referencias a Valle Inclán ou Lorca” explica Casilda Alfaro, unha das actrices da montaxe. Son as claves de Atra Bile, a última montaxe de Teatro de Ningures que se sitúa na súa liña de traballo habitual, a de teatro contemporáneo.
Atra Bile é un texto de teatro contemporáneo. Foi escrito por Laila Ripoll para a súa compañía Micomicón, que foi estreado no ano 2001. Teatro de Ningures recupera este texto con algunhas diferenzas sobre a montaxe orixinal, xa que agora, as personaxes das tres irmáns estarán interpretadas por mulleres e non por homes como fixo a compañía Micomicón.
