Preparación de "As Gardiás". Foto: Diego Seixo / taboas.gal
A compañía Teatro de Ningures estreará o 9 de novembro ás 20 hroas no Auditorio de Cangas o seu novo espectáculo, 'As gardiás', un espectáculo escrito por Násser Djemaï e baixo a dirección de Cristina Domínguez, que aborda o tema dos coidados á vellez, a partir de catro mulleres xubiliadas, as 'gardiás', que loitan contra a decisión de seren enviadas a unha institución médica. As actrices Casilda Alfaro, Rebeca Montero, Sonia Rúa, Amparo Martínez e Melania Cruz participan nesta produción de forte compoñente social no que se contrapoñen o papel das residencias cos maiores coa atención apersoal e familiar, un debate moi presente na actualidade. A peza foi traducida por Henrique Harguindey e adaptada por Vanesa Sotelo.
