Paraíso, a revista da Rede Galega de Teatros e Auditorios e da Rede Galega de Salas, dedícalle a súa portada de setembro a Dorotea Bárcena, no seu regreso aos escenarios. Sen embargo, a protagonista desta publicación trimestral é a danza, cunha panorámica sobre a situación actual (valores emerxentes, compañías..) e outra sobre a estrea de Quique Peón como bailarín e coreógrafo en solitario. Ademais, fai un repaso polas 419 funcións de 102 espectáculos que están previstos ata finais de ano.
