A comunicación e a cultura centran o X Congreso Mundial de Semiótica

Baixo o título Cultura da Comunicación, Comunicación da Cultura comezará a vindeira semana na Coruña o X Congreso Mundial de Semiótica. Un encontro que conmemora o 40 aniversario da Asociación Internacional de Semiótica fundada en París por Roman Jacobson e Roland Barthes. Máis dun milleiro de especialistas procedentes de 60 países, entre os que destacan nomes como Salman Rushdie ou Umberto Eco, abordarán temas como a semiótica visual, a análise do discurso, o cine e a televisión, a moda e as novas tendencias ou a biosemiótica.