Arrinca o V Festival do Teatro Galego cun programa cargado de estreas

Lagarta, Lagarta e Teatro de Ningures estrearán os seus vindeiros espectáculos, O segredo dos Hoffman e Atra Bilis, respectivamente, no marco do V Festival do Teatro Galego do Carballiño. Un encontro que arrinca hoxe cunha programación na que tamén hai oco para dous obradoiros (un para o manexo de zancos e outro de improvisación) e a gala de clausura. Jouse García e Josi Lage, organizadores do festival, avanzaron que Xulio Lago recibirá un premio honorífico pola súa traxectoria á prol do teatro do país.