Pontus Veteris regresa para exhibir as creacións galegas da vindeira primavera

O fío de conexión entre Pontevedra e Moscú pasa estes días pola moda galega. Os principais deseñadores galegos exhibirán nestas localidades as súas próximas apostas. Será no marco de Pontus Veteris, a tradicional pasarela pontevedresa, a que acollerá mañá á noite as propostas da vindeira primavera de Florentino, Montoto, María Mariño, Araújo Piel e Toypes. O outro foco estará na capital rusa, onde Caramelo e Miguel de Luna exhibirán as súas propostas, inspiradas nos anos vinte, no marco da Collection Première Moscow.