Medio cento de actividades compoñen a programación de Caixanova en Vigo

Caixanova inicia en Vigo a presentación do seu programa cultural para o último trimestre do ano. A entidade celebra os XXV anos do seu Centro Cultural nesta cidade cunha oferta de cincuenta actividades ata fin de ano. Unha exposición das adquisicións recentes da colección da caixa, teatro a cargo de Teatro do Morcego, Talía, Lagarta Lagarta, Teatro do Noroeste ou concertos de Real Filharmonía e da Sinfónica de Galicia son algúns dos platos desta proposta. As paisaxes holandesas de Gerardo Porto, a representación única da obra Arte ou as obras Desnudos en Central Park ou El otro lado son outras actividades destacadas que se poderán seguir na Cidade Olívica.