Oito obras tiradas dos propios fondos do Centro Galego de Arte Contemporánea compoñen Memoria suxerida, a exposición que se pode ver neste espazo compostelán ata finais de setembro. A proposta, organizada polo Servizo de Actividades e Proxectos Educativos do CGAC, recolle obras de Pedro Cabria, Chema Madoz, Tono Carbajo, Dora García, Jonathan Hernández, Alicia Martín, Marcel Van Eeden e Peter Würthrich.
En todos os casos, as obras destes creadores convidan á reflexión encol da relación entre a arte e mais o libro. Segundo explican Gema Baños e Cristina Trigo no texto de presentación da mostra, "o libro é unha referencia artística constante pero é na arte contemporánea onde alcanza un protagonismo que vai máis aló da súa representación". Do mesmo xeito, advirten que "cada obra de arte é como un libro, ao levar implícita unha narrativa, unha historia que se constrúe coa experiencia que o espectador
proxecta sobre ela ao establecer un diálogo".
Os asistentes á mostra poderán contemplar, asimesmo, unha selección de libros de autor editados polo propio Centro
_wonder_women_cgac.jpg)
