A recuperación da reitoral do Santuario da Barca abre as actuacións do Estado nesta zona

O paso do tempo e o efecto do Klaus foron determinantes para que a casa reitoral que está pegada ao Santuario da Barca estea nun mal estado de conservación. Pero o Instituto do Patrimonio de España ten previsto acometer unha actuación urxente por importe de 490.000 euros para reconstruír a cuberta e evitar o seu deterioro. Non é máis que unha das múltiples intervencións que ten previsto desenvolver neste espazo que, xunto con Cabo Vilán e Cabo Fisterra son os enclaves máis turísticos da Costa da Morte.