O MARCO acolle dous proxectos dos Artistas en Residencia do Centro Dramático

O colectivo La Canalla e o compositor Xabier Mariño son dous dos artistas seleccionados no marco do programa Artistas en residencia que organiza anualmente o Centro Dramático Galego (CDG). Os seus proxectos vanse desenvolver este verán en Vigo, nas instalacións do MARCO. O proxecto de La Canalla chámase PlayGround_textil´n progress e reflexiona sobre os materiais téxtiles como elementos xeneradores de espazo. Pola súa banda, o de Xabier Mariño organízase arredor da música pero consistirá nunha instalación que inclúe códigos propios da performance, a videocreación ou a escultura. Cada un dos proxectos terá tres semanas de duración, nas que os artistas abrirán ao público parar amosar as súas claves creativas.